Հայաստանի պետական տնտեսագիտական համալսարանում դասապրոցեսն ընթանում է բնականոն հունով։ Այս մասին տեղեկանում ենք ՀՊՏՀ-ի Ֆեյսբուքի էջից:
Հայաստանի ազգային պոլիտեխնիկական համալսարանից ևս հայտնում են՝ ուսումնական գործընթացը ընթանում է բնականոն հունով:
Ավելի վաղ Երևանի պետական համալսարանն էր հայտնել՝ դասապրոցեսն ընթանում է բնականոն հունով։
Տեղեկացրել էինք՝ ընդդիմությունն այսօր վաղ առավոտից շարունակել է անհնազանդության ակցիաները:
ՀՀ վարչապետ Նիկոլ Փաշինյանի հրաժարականը պահանջող ընդդիմադիր խմբերը փակել էին մայրաքաղաքի մի շարք փողոցներ՝ կաթվածահար անելով երթևեկությունը:
Քաղաքացիները մայրաքաղաքի 30 խաչմերուկ էին փակել, ավելի ուշ ոստիկանությունը վերականգնել է երթևեկությունը, սակայն Ֆրանսիայի հրապարակում երեկվանից սկսած վրանային նստացույցը շարունակվում է:
Ոստիկանությունից «Լուրերին» տեղեկացրել են՝ փողոցների բացման ժամանակ բաժին է տարվել 199 քաղաքացի:
