ՀՀ վարչապետ Նիկոլ Փաշինյանը Կառավարության այսօրվա նիստին հայտնեց, որ նիստին առաջին անգամ որպես ՀՀ բարձր տեխնոլոգիական արդյունաբերության նախարար մասնակցում է Ռոբերտ Խաչատրյանը։
«Մեծ պատասխանատվություն է նման պաշտոն ստանձնելը. նախ՝ ուզում եմ շեշտել, որ նախարարությունում կա ձևավորված թիմ, ունենք սկսված ծրագրեր: Առաջին հերթին մեր նպատակը բոլոր սկսած ծրագրերը հաջող ավարտին հասցնելն է, և, իհարկե, արդեն մտածում ենք նոր ծրագրերի մասին: Հետագայում արդեն, որ ձևավորված փաթեթ լինի, կներկայացնեմ ձեզ, կքննարկենք»,- ասաց նախարարը։
