Արտակարգ իրավիճակների նախարարությունում կոռուպցիոն շղթայի վերաբերյալ հարուցված քրեական գործով մեղադրյալների շրջանակը ընդլայնվել է՝ 8-ից հասնելով 20-ի:
Տեղեկությունը «Լուրերի» հետ զրույցում հայտնել է Հակակոռուպցիոն կոմիտեի մամուլի խոսնակ Մարինա Օհանջանյանը: 20 մեղադրյալներից 6-ը, այդ թվում՝ արտակարգ իրավիճակների արդեն նախկին նախարար Անդրանիկ Փիլոյանը, կալանավորվել են, մյուսները՝ ստորագրությամբ ազատ արձակվել:
Փիլոյանը, որն անազատության մեջ է մարտի 30-ից, մեղադրվում է մի քանի դրվագով կաշառք ստանալու համար, ԱԻՆ-ի տարբեր պաշտոնյաներ՝ կաշառք ստանալուն հանցակցելու, կաշառք տալու, կաշառքի միջնորդության, պաշտոնեական լիազորությունների չարաշահման համար։
Հեղինակ՝ Տաթև Խաչատրյան
