Մեկնարկել է ՀՀ էկոնոմիկայի նախարարի երկօրյա աշխատանքային այցը ՌԴ
ՀՀ էկոնոմիկայի նախարար Վահան Քերոբյանը ՌԴ երկօրյա աշխատանքային այցի առաջին օրն ունեցել է հանդիպումներ Ռուսաստանի տնտեսական զարգացման նախարարի տեղակալ Դմիտրի Վալերիևիչ Վոլվաչի, ԵՏՀ նախարար Արտակ Քամալյանի և ՌԴ «Արտահանման կենտրոն» ԲԸ-ի գլխավոր տնօրեն Վերոնիկա Օլեգովնա Նիկիշինայի հետ։ Այդ մասին ասված է նախարարի Ֆեյսբուքի էջում:
«Հաշվի առնելով մեր երկրում բիզնես միջավայրի բարելավման ուղղությամբ տարվող նպատակաուղղված աշխատանքը՝ Դմիտրի Վալերիևիչ Վոլվաչի հետ հանդիպմանն ընդգծել եմ հատկապես արդյունաբերության, առևտրի և փոխադարձ ներդրումների ոլորտներում համագործակցության ընդլայնման հնարավորությունները»,- նշված է գրառման մեջ։
