Կառավարության նիստից հետո լրագրողների հետ ճեպազրույցում ՀՀ ընտրված նախագահ Վահագն Խաչատուրյանը, անդրադառնալով տնտեսությանը, նկատել է, որ ռուս-ուկրաինական լարվածության ֆոնին տնտեսական խնդիրներ կարող է ունենալ նաև Հայաստանը:
Մասնավորապես Խաչատուրյանն անդրադարձել է հացահատկի ներմուծման խնդրին և դրա հետևանքով առաջ եկող բարդություններին:
«Համոզված եղեք, որ այդ խնդիրը չի լինի, որովհետև իրականում մենք գնահատում ենք մեր հնարավորությունները: Մենք շատ լավ գիտենք այն, ինչի մասին ասում եք, որ իսկապես հացահատիկի արտադրության մեր ներքին ռեսուրսները կամ հնարավորությունները պակասել են, բայց այլ ձևերով այդ պակասը լրացվելու է, կլրացվի»,- ասաց Խաչատուրյանը:
