ՀՀ էկոնոմիկայի նախարարությունից տեղեկացնում են, որ 65 տարեկան հասակում կյանքից հեռացել է տաղանդաշատ գիտնական, ՀՀ ԳԱԱ թղթակից անդամ, տնտեսագիտության դոկտոր, պրոֆեսոր, ՀՀ ԳԱԱ Մ. Քոթանյանի անվան տնտեսագիտության ինստիտուտի տնօրեն Վլադիմիր Հարությունյանը:
«Նախարարությունն իր վշտակցությունն է հայտնում Վլադիմիր Հարությունյանի ընտանիքի անդամներին, մերձավորներին և ընկերներին:
Վլադիմիր Հարությունյանը ՀՀ Կառավարությանն է ներկայացրել 15 կիրառական առաջարկություններ, ունի 5 տասնյակից ավելի պաշտպանած ասպիրանտներ ու հայցորդներ: Նրա պատասխանատվությամբ նախապատրաստվել և հրատարակվել է գիտական հոդվածների 21 ժողովածու»,- ասված է նախարարության Ֆեյսբուքի գրառման մեջ։
