Սովորողների հետ շփումը ծանր օրվա մեջ լույս բերող կետն է. Ժաննա Անդրեասյան
Աշակերտական խորհրդի նիստ ունեինք, քննարկում էինք կրթության զարգացման պետական ծրագրի նախագիծը։ Այս մասին Ֆեյսբուքի իր էջում գրել է ՀՀ կրթության, գիտության, մշակույթի և սպորտի նախարարի տեղակալ Ժաննա Անդրեասյանը:
«Շատ որակյալ քննարկում ունեցանք՝ մեկը մեկից լավ հարցեր, դիտարկումներ և առաջարկներ։ Երեկոյան ուշ նայում եմ օրվա նամակներս ու տեսնում եմ, որ նամակներ կան նաև աշակերտներից։ Դպրոցների խնդիրների մասին։ Շատ դիպուկ ու կարևոր։
Սովորողների հետ շփումը ծանր օրվա մեջ լույս բերող կետն է. երբ տեսնում ես՝ ինչ մտածող, վերլուծող, մտքերը կոնկրետ ու հստակ ձևակերպող աշակերտներ ունենք, խնդիրները դառնում են հաղթահարելի»,- գրել է Անդրեասյանը:
