Թվայնացվել է Մխիթարյան միաբանության գրադարանների հայկական մամուլի արխիվը: Նախաձեռնությունն իրականացվել է Գիտություների ազգային ակադեմիայի հիմնարար գիտական գրադարանի, Մխիթարյան միաբանության և «Գալուստ Գյուլբենկյան» հիմնադրամի համագործակցության շնորհիվ:
Թվային գրադարանում տեղ են գտել հավաքածուներ 1794-1920-ի հայկական մամուլից: Օգտատերերը շտեմարանից կարող են օգտվել անվճար: Ընթերցողին ու հետազոտողին ներկայացվող թվային նյութերն ունեն նկարագրություններ և ցանկագրված են գրադարանագիտության ժամանակակից չափորոշիչներով:
Թվայնացվել է Մխիթարյան միաբանության Վիեննայի ավագ մենաստանի գրադարանի 400 հազար էջ: Աշխատանքը շարունակվում է:
