Ապրանքային շուկաներում խախտումներ հայտնաբերելու դեպքում, լինի իրավաբանական թե ֆիզիկական անձ, Մրցակցության պաշտպանության հանձնաժողովին կարող է դիմել գաղտնագրված կարգով: Սա անանուն բողոք չէ՝ ասում է հանձնաժողովի անդամ Տիգրան Մարկոսյանը:
Տիգրան Մարկոսյան (ՄՊՀ անդամ) - Սա չի նշանակում, որ պետք է խթանենք բանսարկությունները կամ զրպարտչությունը: Ինքնին հաղորդումը չի նշանակելու, որ մենք վարույթ ենք հարուցելու: Սա նշանակում է, որ կա առիթ հարցը քննարկելու: Եթե իրավախախտման առերևույթ հատկանիշները ապացույցներով հիմնավորված չեն, մենք ինքներս պետք է նախաձեռնենք գործընթաց, եթե ապացույցները կհաստատվեն՝ կգնանք առաջ, եթե ոչ՝ վարույթի հարուցումը կմերժվի:
Վարույթ հարուցելու կամ չհարուցելու հիմնավորումները կհրապարակեն հանձնաժողովի պաշտոնական կայքում: Մրցակցության պաշտպանության հանձնաժողովը տնտեսվարողների նկատմամբ պատժամիջոցներն ավելի ճկունացրել է: Առաջնորդվում են նոր օրենքից բխող 18 իրավական ակտերով:
Տիգրան Մարկոսյան - Դրանք բոլորն էլ մտել են ուժի մեջ և կիրառելի են:
Անբարեխիղճ ընկերությունները կտուգանվեն «կոնկրետ խախտման դեպքում կոնկրետ պատիժ» սկզբունքով: Հաշվի կառնեն տարբեր հանգամանքներ, այդ թվում՝ մեղմացուցիչ, երբ տնտեսվարողը պատրաստ է արագ շտկել սխալը: Եթե տնտեսվարողն ընդունի իր մեղքը, նույնիսկ կկիրառեն արագացված վարույթ: Երբեք չեն կիրառի տուգանք, որն ընկերությանը կտանի սնանկացման:
Տիգրան Մարկոսյան - Ապրանքատեսակի հասույթն է հաշվի առնվում, խախտման տևողությունը, մեղմացնող հանգամանքներից ա՛յ սա այսպիսի կշիռ ունի, 10 տոկոսով է ազդում և այլն:
Եթե նախկինում տնտեսվարողին տուգանում էին նախորդ տարվա հասույթի մինչև 5 տոկոսի չափով, հիմա կտուգանեն խախտում հայտնաբերած կոնկրետ ապրանքի հասույթի չափով: Փորձել են մշակել պատժի այնպիսի միջոցներ, որոնք համաչափ կլինեն կատարված խախտմանը՝ ասում է Տիգրան Մարկոսյանը: Հաճախ հանդիպող հայտնի բրենդների կեղծմամբ սպառողին մոլորեցնելու խախտումների համար տուգանքի նոր կարգ է գործելու:
Տիգրան Մարկոսյան - Սա արդեն անբարեխիղճ մրցակցության դրսևորում է, և դրա համար պատասխանատվությունը տնտեսվարող սուբյեկտի նախորդ տարվա հասույթի մինչև 5 տոկոսն է: Մենք գնացել ենք ավելի առաջ, զարգացրել ենք և համաչափության գաղափարն ենք պահպանել՝ ասելով, որ որպես կանոն հիմք է ընդունվում կոնկրետ ապրանքի շրջանառության հասույթի, ոչ թե տնտեսվարող սուբյեկտի: Այսինքն՝ հնարավոր է՝ այդ ապրանքը նրա հասույթի մեջ ունենա կշիռ 3 տոկոսի չափով, և, հետևաբար, պատասխանատվության միջոցի հաշվարկման համար հիմք կընտրվի 3 տոկոսը:
Չի լինելու խախտում, որի դեպքում մշտապես գործի նախազգուշացում մեխանիզմը: Մրցակցության պաշտպանության հանձնաժողովն առաջին անգամ մշտադիտարկման կենթարկի օրենքներում առկա բացերը, ենթաօրենսդրական ակտերը և կառաջարկի համապատասխան կառույցներին հանդես գալ օրենսդրական նախաձեռնությամբ:
Վաչե Հովակիմյանը և Էդգար Հայրապետյանը լրացրել են միջազգային վարպետի երրորդ նորմաները․ Վաչեին պաշտոնապես կշնորհվի միջազգային վարպետի կոչում
Բեռլինի թանգարանային կղզու վեց թանգարանի ավելի քան 50 նմուշ է բերվել Հայաստան․ ցուցադրությունը կգործի մինչև մարտի 21-ը
Մադրիդի քաղաքապետարանը ՀՀ դրոշի գույներով լուսավորել է Բիլբաոյի շրջանաձև հրապարակի շատրվանը
ՌԴ Պետդումա է անցել 5 քաղաքական ուժ
Թբիլիսիի հեռուստաաշտարակը լուսավորվել է Հայաստանի Հանրապետության դրոշի գույներով
Հանրապետության Հրապարակը հիմա. վարչապետը տեսանյութ է հրապարակել