Միացյալ Նահանգների պետքարտուղարության խոսնակ Հիթեր Նոյերթը նշել է, որ ԵԱՀԿ Մինսկի խմբի մյուս համանախագահների հետ ԱՄՆ-ն կոչ է անում կողմերին դադարեցնել ռազմական գործողությունները և վերադառնալ բանակցային սեղանի շուրջ:
«Մեր քաղաքականությունը հստակ է մնում այդ տարածաշրջանում. այս հակամարտության միակ լուծումը բանակցությունների միջոցով կարգավորումն է՝ հիմնված միջազգային իրավունքի վրա, որը ներառում է ուժի չկիրառման, տարածքային ամբողջականության և ինքնորոշման սկզբունքներին հավատարմությունը»- ասել է ԱՄՆ պետքարտուղարության խոսնակը:
