Հալեպահայերը Սիրիայի պետական աջակցությամբ վերականգնում են իրենց արհեստները
Սուրիո նախագահական օժանդակության ծրագրէն օգտուեցան նաև հալէպահայեր, որոնք իրենց ցուցաբերած ջանասիրութեան և աննկուն կամքին շնորհիւ յաջողեցան վերականգնել իրենց արհեստները և նոր շունչ տալ անոնց:
Նիւթական աջակցութիւն տրամադրելէ ամիսներ անց ծրագիրը նախաձեռնող կողմը Հալէպի հնամեայ շուկաներէն մէկուն մէջ, որ շուրջ 500 ամեայ պատմութիւնն ունի, կազմակերպեց ցուցահանդէս մը «Արտադրողներ» խորագրով և մասնակցելու հրաւիրեց ծրագրէն օգտուողներ:
Հովիկը հօրմէ ժառանգած է հաստոցագործութեան արհեստը: Տարիներու ընթացքին արհեստին կրած զարգացումները պարտադրած էին անոր քայլ պահել նորութիւններու հետ և յառաջ տանիլ մետաղագործութեան իր արհեստանոցը: Սակայն նոր սարքերու արժեգիները օրէօր կը բարձրանային շրջանցելով նիւթական կարողութեան սահմանները:
Հովիկ Սիլահյան (հաստոցագործ) - Շատ լաւ նախաձեռնութիւն մըն էր նախագահական պալատին կողմէ: Մեր հաստատութիւնը նախապէս կար, բայց որոշ գործիքներ կրցանք աւելցնել և օրըստօրէ աւելի լաւ արդիւնքներ ստացանք: Գործին ծաւալը լայնցաւ:
Հիլտային համար արհեստներու զարգացման աջակցող այս ծրագիրը յուսահատութեան չմատնուելու վերջին փորձն էր: Պատերազմի հետևանքները տանելի չէին անոր համար, և ան որոշած էր նախքան այլ քայլի դիմելը դիմում ներկայացնել այս ծրագրին մասնակցելու:
Հիլդա Մարգարյան (գործարար) - Պատերազմի ժամանակ մենք շատ յուսահատած էինք, շատ անգամ մտածեցինք արտագաղթի այլևս դիմենք: Երբ լսեցինք այս ծրագրին մասին, քաջալերուեցանք ըսինք դիմենք, փորձ մը ընենք, վերջին մեր յոյսերն էին: Դիմեցինք և բարեբախտաբար ընդունուեցաւ մեր ծրագիրը: Ծրագիրս տպագրական գործիք բերել էր, որ մեր շրջանին մէջ բացարձակապէս չկայ: Առինք գործիքը և գործի սկսանք: Այս շատ կարևոր ծրագիր է և պէտք է շարունակուի, որպէսզի մնան և գոյատևն Հալէպի մէջ, որովհետև Հալէպ գաղութը պէտք է պահուի, այսքան պատմութիւն ունինք և սխալ է ձգել ելլելնիս:
ՌաՖՖին արհեստով հաստոցագործ ըլլալով հանդերձ, օգտուելով նախագահի այս նախձեռնութենէն կ՛որոշէ իր տիկնոջ հետ երկրորդ գործ մը հիմնել և մետաղագործութեան զուգահեռ զբաղիլ նաև տպագրական գործով:
ՐաՖՖի Սյուլահյան (տպագրատան սեփականատեր) - Ես և տիկինս միասին տունին մէջ գործիքները դրած ենք և սկսանք կամաց-կամաց մեր գործը զարգացնել, օրինակներ աւելցնել: Սկիզբի շրջանին սկսանք գաւաթներու, գազակներու վրայ տպագրութիւն, իսկ հիմա սկսանք ժայռերու վրայ, քարերու վրայ:
ՌաՖՖին արտադրական իր գործը շարունակելը նուիրատու կողմին շնորհակալ ըլլալու արտայայտչաձև կը համարէ:
ՐաՖՖի Սյուլահյան - Ինչ որ գումար մեզի փոխանցուեցաւ նախագահին կողմէն պարգև մըն էր և մեր աշխատանքին բերումով իրեն շնորհակալութիւն կը յայտնենք:
Կիրօն եւս, ինչպէս մեծաթիւ երիտասարդներ, կրած էին պատերազի հետևանքներ, սակայն ան որոշած էր դէմ դնել յուսալքութեան և նոր քայլ առնել:
Գիրո Արսլանյան (պահածոների արտադրության սեփականատեր) - Իրականութիւնը ըսեմ, մենք տեղ մը հասած էինք որ կը մտածէինք այլևս գաղթել, բայց Փառք Աստուծոյ երբ առինք օժանդակութիւնը ըսինք ետք փորձենք:
Յարութը ելեքտրական խաղավայրերու պատրաստութեան գործով կը զբաղի: Պատերազմի տարիներուն անոր արհեստը վնասներ կրած էր, հետևաբար այս ծրագրէն օգտուիլը վերականգնելու լաւագոյն տարբերակն էր:
Հարութ Փաթանյան (էլեկտրական խաղալիքների արտադրության սեփականատեր) - Ես կը զբաղիմ unipark խաղալիք շինելով, ելեքտրականութեան և մեքանիզմի բաժինը, ըլլայ երկաթը, ֆիպրը, ներկը, և այլն: Մենք պատերազմէն առաջ ալ այս գործով կը զբաղէինք, պատերազմին անշուշտ կաղաց քաղաքի պայմաններուն հիման վրայ: Ես խաղալիքներու գծագրութեան տիզայնի բաժինը, որ computer-ներով կ՛ընեմ, իրենց օժանդակութեամբ աւելի յառաջացայ:
Նախագահին կողմէ տրամադրուած գումարները վերադարձուելով դրութեամբ չէ, որ յատկացուած են դիմորդներուն, այլ ծրագիրի հիմնական նպատակն է քաջալերել երիտասարդ գործատէրերը, արհեստաւորները ու փոքր ձեռնարկատէրերը, մղում տալ անոնց, որպէսզի կարենան յաղթահարել պատերազմի պատճառած տուժումը և կրկին ոտքի կանգնիլ:
