Ռուսական ռազմաբազան առանցքային դեր ունի տարածաշրջանում խաղաղության ամրապնդման գործում. Շիրակի մարզպետ
Շիրակի մարզպես Նազելի Բաղդասարյանը մասնակցել է Ալեքսանդր Նևսկու անվան ռուսական 102-րդ ռազմաբազայի հիմնադրման 80-ամյակին նվիրված միջոցառմանը։ Այդ մասին ասված է մարզպետի Ֆեյսբուքի էջում:
«Շնորհավորելով ռազմաբազայի զինծառայողներին՝ նշել եմ, որ ռազմաբազան առանցքային դեր ունի տարածաշրջանում խաղաղության ամրապնդման գործում, և ընդգծել եմ, որ այն հենարան է հանդիսանում ռուս-հայկական հարաբերություններում։
80 տարի է, ինչ հիմնադրվել է 102-րդ ռազմաբազան, և 75 տարի՝ ինչ տեղակայված է Գյումրիում, և սա ևս մեկ անգամ հաստատում է մեր դարավոր բարեկամությունը և ռազմավարական գործընկերությունը։ Ռուսաստանը միշտ եղել է Հայաստանի կողքին, հատկապես դժվարին պահերին։ Վստահ եմ՝ մեր հարաբերությունները կզարգանան ի շահ երկու անկախ երկրների՝ տարածաշրջանում խաղաղության և կայունության ամրապնդման համար»,- նշված է գրառման մեջ:
