ԿԳՄՍ նախարարությունից հայտնում են, որ Շիրակի պետական համալսարանում կայացել է հոգաբարձուների նոր ձևավորված խորհրդի անդրանիկ նիստը, որին 20 անդամներից ներկա են եղել 19-ը։ Որպես խորհրդի անդամ՝ նիստին մասնակցել է նաև ՀՀ ԿԳՄՍ նախարարի տեղակալ Կարեն Թռչունյանը:
ՇՊՀ հոգաբարձուների խորհրդի նախագահ է ընտրվել ժուռնալիստների «Ասպարեզ» ակումբի խորհրդի նախագահ Լևոն Բարսեղյանը։
Նիստի ընթացքում ՇՊՀ կանոնադրությանը և գործող օրենսդրությանը համապատասխանեցնելու նպատակով համալսարանի ՀԽ-ի աշխատակարգում և ռեկտորի ընտրության կանոնակարգում փոփոխություններ են կատարվել։ Քննարկվել է նաև ՇՊՀ ռեկտորի թափուր պաշտոնի մրցույթի անցկացման հարցը։ Որոշվել է հայտարարել մրցույթ և այն անցկացնել 2022 թ. փետրվարի 19-ին:
