ՄԱԿ-ի Անվտանգության խորհրդում քննարկման ժամանակ կազմակերպության գլխավոր քարտուղարը բոլոր կողմերին հորդորել է քաղաքական կամք դրսևորել՝ Ղարաբաղյան բանակցություններն առաջ մղելու համար:
Կառույցում Հայաստանի դեսպան Զոհրաբ Մնացականյանը պարզաբանել է՝ Արցախը պաշտպանում է իր ազատությունը բարբարոսական վարչակարգի ոտնձգություններից: Ուշագրավ զեկույց է հրապարակել Միջազգային իրավապաշտպան Amnesty International կազմակերպությունը, որն ահազանգ է հնչեցրել մարդկության հրեշացման երևույթի առիթով, որի առանցքային դեմքերից մեկն, ըստ զեկույցի՝ Իլհամ Ալիեւն է:
