YouTube-ը հեռացրել է Էրդողանի մամուլի քարտուղարի՝ հայերի նկատմամբ ատելություն պարունակող տեսանյութը
YouTube-ը Ռեջեփ Էրդողանի մամուլի քարտուղար Ֆահրեթին Ալթունի տեսանյութը որակել է որպես «ատելության խոսք» և հեռացրել է այն: Ինչպես հայտնում են թուրքական լրատվականները, Ալթունը ելույթ էր ունեցել ապրիլի 24-ին՝ Հայոց ցեղասպանության զոհերի հիշատակի օրը՝ բացասական շեշտադրումներով արտահայտվելով հայերի մասին:
Էրդողանի մամուլի քարտուղարը վրդովվել է իր տեսանյութի հեռացման կապակցությամբ՝ YouTube-ին մեղադրելով «երկերեսանիության» մեջ:
