Աճյունների որոնումներն այսօր շարունակվում են Մատաղիսի ուղղությամբ և Վարանդայի շրջանում
Զոհված և անհետ կորած համարվող զինծառայողների (կամավորներ, պահեստազորայիններ, քաղաքացիական անձինք) աճյունների որոնումներն այսօր փրկարարական 2 ջոկատով շարունակվում են Մատաղիսի ուղղությամբ և Վարանդայի (Ֆիզուլի) շրջանում: Այս մասին հայտնում է Արցախի ԱԻ պետական ծառայությունը:
Հիշեցնենք, որ 2020 թվականի Արցախյան պատերազմից անմիջապես հետո սկսված որոնումների ընթացքում Արցախի կորուսյալ տարածքներից հայտնաբերվել և մինչ օրս տարհանվել է 1590 աճյուն:
