Խորհրդարանը երկրորդ ընթերցմամբ և ամբողջությամբ ընդունեց Կառավարության ներկայացրած «Պետական տուրքի մասին» օրենքում փոփոխությունների նախագիծը: Կողմ քվեարկեց 74, դեմ՝ 15, ձեռնպահ՝ 3 պատգամավոր:
Հիշեցնենք՝ փոփոխությունները պայմանավորված են սոցիալ-տնտեսական ցուցանիշների փոփոխությամբ, որոնք վերջին 20 տարում 4-5 անգամ փոփոխվել են: Օրենքով սահմանվել են մի շարք արտոնություններ, ինչպես նաև մի շարք դեպքերում վերանայվել է դատարան դիմելու համար սահմանված պետական տուրքը՝ այն բարձրացվել է: Առաջին ընթերցումից տրվել են նոր արտոնություններ՝ զինծառայողների կամ այլ քաղաքացիների՝ ռազմական գործողությունների կապակցությամբ անհայտ կորած կամ մահացած ճանաչելու գործերին: Պետական տուրքից այդ անձինք կազատվեն: Միաժամանակ պետական տուրքից կազատվեն նաև ռազմական գործողությունների հետևանքով մահացած անձանց ժառանգները, եթե խոսքը վերաբերի ժառանգության ընդունման գործերին:
Դատարան դիմելու պետտուրքի չափերը կավելանան. որոշ դեպքերում կսահմանվեն արտոնություններ. ԱԺ-ն ամբողջությամբ ընդունեց նախագիծը
Բաժիններ
Դիտումներ81
