Հունաստանի արտաքին գործերի նախարարությունը Ադրբեջանի իր դեսպանին կանչել է Աթենք Բաքվի այն հայտարարություններից հետո, որում ասվում է, որ Հունաստանը հանդուրժում է «Լեռնային Ղարաբաղի հակամարտությանը մասնակցելու համար ահաբեկչական գրոհայիններ հավաքագրելու փորձերը», հայտնում է armeniasputnik-ը:
«Ադրբեջանի կառավարության լիովին անհիմն և սադրիչ հայտարարություններից հետո, որոնց համաձայն հունական կառավարությունը իբր հանդուրժողականություն է ցուցաբերում ահաբեկչական գործողությունների, գրոհային-ահաբեկիչների հավաքագրման և Հունաստանի տարածքից Ադրբեջանի նկատմամբ կիբերհարձակումների հանդեպ: Հունաստանի Արտաքին գործերի նախարարությունը խիստ բողոք է հայտնել Ադրբեջանի դեսպանին և արտգործնախարար Նիկոս Դենդիասի որոշմամբ Ադրբեջանում Հունաստանի դեսպան Նիկոլաոս Պիպերիգոսին կանչել են Աթենք խորհրդակցությունների համար », - ասված է հաղորդագրության մեջ:
