Արմեն Փամբուխչյանը ֆեյսբուքյան գրառմամբ հայտնել է, որ ՀՀ վարչապետ Նիկոլ Փաշինյանի որոշմամբ նշանակվել է ԱԻՆ նախարարի տեղակալ:
«Այսօր նախարար Ֆելիքս Ցոլակյանն ինձ ներկայացրեց ԱԻՆ աշխատակազմին և ենթակա կառույցներին:
Ստանձնելով ԱԻՆ նախարարի տեղակալի պաշտոնը՝ վստահ եմ, որ գործընկերային և առողջ մթնոլորտում կլուծենք այս կարևոր գերատեսչության առջև ծառացած բոլոր խնդիրները:
Ծառայում ենք Հայաստանի Հանրապետությանը»,- գրել է Փամբուխչյանը:
Ավելի վաղ հայտնել էինք՝ ՀՀ վարչապետի համապատասխան որոշմամբ՝ Արմեն Փամբուխչյանը նշանակվել է արտակարգ իրավիճակների նախարարի տեղակալ:
