ԵՄ երկրների արտգործնախարարները չկարողացան համաձայնության գալ Բելառուսի պաշտոնյաների նկատմամբ պատժամիջոցների ցուցակի հարցում: Այդ մասին հայտնում է ՌԻԱ Նովոստին՝ հղում անելով աղբյուրին:
Խանգարողը Կիպրոսն էր, որի դիրքորոշումը չի փոխվել: Հայտնի է, որ Կիպրոսը մտադիր է միաժամանակ հասնել Թուրքիայի նկատմամբ սահմանափակող միջոցների ներդրմանը՝ կապված Արևելյան Միջերկրական ծովում բնական գազի արտահանման Անկարայի ծրագրերի հետ:
Դիվանագիտական մակարդակում բանակցությունների ձախողումից հետո այս շաբաթվա վերջին հարցը կքննարկեն միության անդամ պետության ղեկավարները:
Սեպտեմբերի 17-ին Եվրախորհրդարանը սատարեց Բելառուսի նախագահ Ալեքսանդր Լուկաշենկոյի, նախագահի ընտրությունների արդյունքները կեղծելու և երկրում ռեպրեսիաների համար պատասխանատու այլ անձանց նկատմամբ պատժամիջոցներ կիրառելու առաջարկին: Վերջնական որոշումը կկայացնի Եվրոպական խորհուրդը: Սպասվում է, որ ԱՄՆ-ը, Բրիտանիան և Կանադան միաժամանակ կհաստատեն իրենց սահմանափակումները: Բելառուսի արտաքին գործերի նախարար Վլադիմիր Մակեյը սպառնացել է պատասխան քայլով, որը հավանաբար կվերաբերի երկրում օտարերկրյա լրատվամիջոցների աշխատանքին:
