ԲՀԿ խմբակցությունը վիրավորվել է ԿԳՄՍ նախարարի հայտարարությունից և բոյկոտում է ԱԺ նիստը
ԱԺ ԲՀԿ խմբակցության պատգամավորները չեն մասնակցում Կառավարության հետ հարցուպատասխանին. նրանք հայտարարեցին ԱԺ նիստը բոյկոտելու մասին: Պատճառը ԿԳՄՍ նախարար Արայիկ Հարությունյանի՝ ԱԺ-ում իր հրաժարականի հարցի քննարկման ժամանակ ամփոփիչ ելույթն է, երբ պատասխանել էր ԲՀԿ խմբակցության քննադատություններին:
Հիշեցնենք՝ Հարությունյանը հայտարարել էր, թե կրթության նոր չափորոշիչները «Մի խումբ կոտայքցիներ կսովորեն հարգել դիմացինին, ղեկավարել սեփական հորմոնները, սիրել եկեղեցին և այլևս եկեղեցու տարածքում չի լինի օտարի նկատմամբ սեռական բռնություն, այ դա է սովորեցնելու սա»:
ԲՀԿ խմբակցության պատգամավորները լրագրողների հետ ճեպազրույցում հայտարարեցին, թե քննարկելու են Հարությունյանի պահվածքին իրավական գնահատական տալու հարցը:
