Գերմանիայի արտաքին գործերի նախարար Հեյկո Մաասը ուժեղացնում է ճնշումը Ռուսաստանի վրա ընդդիմության առաջնորդ Ալեքսեյ Նավալնու ենթադրյալ թունավորման շուրջ սկանդալում: «Մենք ակնկալում ենք, որ Ռուսաստանը ավելի ակտիվ կլինի Նավալնու գործի հետաքննության գործընթացում»,- ասել է նա՝ ելույթ ունենալով օգոստոսի 31-ին Փարիզում եվրոպական դեսպանների խորհրդաժողովում:
Գերմանայի արտգործնախարարը նշել է, որ չնայած Եվրոպայի և Ռուսաստանի միջև հարաբերությունները բարդ են, Եվրոպան, այնուամենայնիվ, կառուցողական հարաբերությունների կարիք ունի Մոսկվայի հետ:
«Առանց Ռուսաստանի կամ դրա դեմ Եվրոպան չի դառնա ավելի անվտանգ: Սա իրատեսական քաղաքականություն է, որը Եվրոպան քաջ գիտակցում է»,- ասել է Մաասը:
