Արարատ Միրզոյանը շնորհավորել է Ղազախստանի Հանրապետության խորհրդարանի` Մաժիլիսի նախագահ Նուրլան Նիգմատուլինին ծննդյան օրվա կապակցությամբ:
«Մեծարգո Նուրլան Զայրուլայի,
ընդունեք իմ ջերմագույն և սրտանց շնորհավորանքները Ձեր ծննդյան օրվա կապակցությամբ:
Ձեր արհեստավարժության և իմաստուն ու հեռատես պետական գործչի փորձի շնորհիվ վաստակել եք խորին հարգանք և հեղինակություն:
Մենք շնորհակալ ենք մեր խորհրդարանների միջև գործընկերային փոխհարաբերությունների զարգացման հարցերում Ձեր մշտական ուշադրության համար՝ դրանք ամրապնդելու նպատակով՝ ի փառս մեր երկրների և ի շահ մեր ժողովուրդների:
Տոնական այս օրը մաղթում եմ Ձեզ, Նուրլան Զայրուլայի, քաջառողջություն և հետագա հաջողություններ Ձեր պատասխանատու գործունեության մեջ, իսկ Ղազախստանի բարեկամ ժողովրդին՝ խաղաղություն և բարգավաճում»,- ասված է Արարատ Միրզոյանի շնորհավորական ուղերձում:
