Վարչապետ Նիկոլ Փաշինյանը շնորհավորական ուղերձ է հղել Ղրղըզստանի Հանրապետության նախագահ Սոորոնբայ Ժեենբեկովին՝ Անկախության օրվա առթիվ։ Ուղերձում ասված է.
«Հարգելի Սոորոնբայ Շարիպի,
Ընդունեք սրտանց շնորհավորանքներս Ղրղըզստանի Հանրապետության Անկախության օրվա առթիվ։
Անկախության տարիներին բարեկամ Ղրղըզստանը մեծ հաջողությունների է հասել պետականաշինության և միջազգային հեղինակության ամրապնդման գործում:
Համոզված եմ, որ մենք փոխադարձ ջանքերով այսուհետ ևս կշարունակենք զարգացնել մեր երկրների միջև համագործակցությունը՝ ինչպես երկկողմ ձևաչափով, այնպես էլ ինտեգրացիոն միավորումների և միջազգային կազմակերպությունների շրջանակում:
Հարգելի Սոորոնբայ Շարիպի, օգտվելով առիթից` մաղթում եմ Ձեզ քաջառողջություն և հաջողություններ, իսկ Ղրղըզստանի բարեկամ ժողովրդին` խաղաղություն և բարգավաճում»։
