ՄԱԿ-ի Անվտանգության խորհուրդը մերժել է Վաշինգտոնի պահանջը՝ վերականգնել պատժամիջոցներն Իրանի նկատմամբ: ՏԱՍՍ-ը տեղեկացնում է, որ այդ մասին հայտնել է կազմակերպությունում Ռուսաստանի մշտական ներկայացուցիչ Վասիլի Նեբենզյան: Կառույցի անդամ պետությունների զգալի մասը հայտարարել է, որ ԱՄՆ այդպիսի պահանջ ներկայացնելու իրավունք չունի, քանի որ դադարեցրել է իր մասնակցությունն իրանական միջուկային ծրագրին:
Հիշեցնենք, օրեր առաջ ԱՄՆ պետքարտուղարը ՄԱԿ-ի Անվտանգության խորհուրդին հայտնել էր, որ Վաշինգտոնը մտադիր է վերականգնել Իրանի նկատմամբ պատժամիջոցները, պատճառաբանելով, որ Թեհրանը խախտել է 2015թ-ին կնքված Համատեղ գործողությունների ծրագրի պահանջները:
Իրանին զենքի մատակարարման արգելքն ավարտվում է 2020 թվականի հոկտեմբերի 18-ին՝ թելադրված Թեհրանի հետ ԱՄՆ-ի, Ռուսաստանի, Չինաստանի, Բրիտանիայի, Ֆրանսիայի և Գերմանիայի հետ միջուկային գործարքով:
