ՀՀ Ազգային ժողովի եվրոպական ինտեգրման հարցերի մշտական հանձնաժողովի նախագահ Արման Եղոյանը հանդիպել է Հայաստանում Հունաստանի նորանշանակ արտակարգ և լիազոր դեսպան Էվանգելոս Տուրնակիսի հետ։
Հանձնաժողովի նախագահը դեսպանին է ներկայացրել եվրոպական ուղղությամբ Հայաստանի վարած արտաքին քաղաքականությանն բաղադրիչները, ինչպես նաև՝ տարածաշրջանային անվտանգության առանձնահատկությունները։
Դեսպան Տուրնակիսը տեղեկացրել է, որ Հունաստանի խորհրդարանը առաջիկա ամիսներին կվավերացնի ՀՀ-ԵՄ Համապարփակ և ընդլայնված գործընկերության համաձայնագիրը, ինչպես նաև՝ իր լիակատար աջակցությունն է հայտնել Հայաստանին՝ Եվրամիության հետ վիզաների ազատականացման երկխոսության մեկնարկի հարցում։
Քննարկվել են երկկողմ և բազմակողմ գործակցությանն առնչվող մի շարք այլ հարցեր։
