Առողջապահության նախարարի տեղակալ Լենա Նանուշյանն ընդունել է աշխատանքային այցով Հայաստանի Հանրապետություն ժամանած՝ ԱՄՆ Պետդեպարտամենտի տարածաշրջանային գրասենյակի Տարածաշրջանային աղետների և հումանիտար արձագանքման նորաստեղծ բյուրոյի տնօրեն Բրայան Բրեուհաուսին։ Այս մասին տեղեկացնում են ՀՀ առողջապահության նախարարությունից:
Հանդիպման ընթացքում քննարկվել են արտակարգ իրավիճակներին պատրաստվածության և դրանց արձագանքման, քաղաքացիական պաշտպանության, տեղական ինքնակառավարման մարմինների պատրաստվածության, դիմակայուն ենթակառուցվածքների զարգացման, ինչպես նաև առողջապահության ոլորտին առնչվող հարցեր։
Լենա Նանուշյանը ներկայացրել է Հայաստանի առողջապահական համակարգի առանձնահատկությունները, իրականացվող բարեփոխումների հիմնական ուղղությունները։
