Իսրայելում շարունակում են քվեաթերթիկների հաշվարկը։ Խորհրդարանական ընտրություններում, նախնական հաշվարկով, քաղաքական ոչ մի ուժ չի կարողացել մեծամասնություն ապահովել։ Սակայն իսրայելական լրատվամիջոցները, վկայակոչելով ընտրական հանձնաժողովի տվյալները, հաղորդում են, որ վարչապետ Բենիամին Նեթանյահուի աջակողմյան դաշինքը փոքր-ինչ առաջ է ընդդիմությունից։ Քնեսեթն ունի 120 տեղ, մեծամասնություն կազմելու համար անհրաժեշտ է 61 տեղ։
ԶԼՄ-ները գրում են, որ հաջորդ քայլը կլինի կոալիցիայի ձևավորմանն ուղղված բանակցությունները։ Հարկ է նշել, որ խորհրդարանի ընտրություններին ընտրողների մասնակցությունը երկրի պատմության մեջ ամենաբարձրերից մեկն էր՝ 77,7%։
Հիմնական պայքարը ծավալվել է վարչապետ Բենիամին Նեթանյահուի «Լիքուդ» կուսակցության և կենտրոնամետ քաղաքական գործիչ, գլխավոր շտաբի նախկին պետ Գադի Այզենկոտի «Յաշար» կուսակցության գլխավորած ընդդիմադիր ուժերի միջև։ Այս ֆոնին Դոնալդ Թրամփը գրառում է արել՝ կարծիք հայտնելով, որ իր աջակցությունն օգնել է Նեթանյահուին հաջողության հասնել ընտրություններում։
Մանրամասները՝ տեսաշարում։
