Հյուսիսատլանտյան դաշինքն ակնհայտ ռազմական գերակայություն ունի Ռուսաստանի նկատմամբ, համոզված է Եվրոպայում ՆԱՏՕ-ի միացյալ զինված ուժերի գլխավոր հրամանատար, ԱՄՆ ռազմաօդային ուժերի գեներալ-լեյտենանտ Ալեքսուս Գրինկևիչը:
«Ռազմական հնարավորությունները, որոնք մենք կգործարկեինք խոշոր հակամարտության դեպքում, զգալիորեն գերազանցում են Մոսկվայի հնարավորությունները»,- հայտարարել է Գրինկևիչը գերմանական Der Spiegel շաբաթաթերթի հետ հարցազրույցում:
«Մասնավորապես, Ռուսաստանը չունի ժամանակակից F-35 կործանիչներ, ինչպես նաև ՆԱՏՕ-ի ժամանակակից ականակիրների կամ սուզանավերի քանակը»,- ընդգծել է գեներալը։
Այս կապակցությամբ նա վստահություն է հայտնել, որ Ռուսաստանը սովորական սպառազինությունների կիրառմամբ լայնածավալ հարձակում չի սկսի Եվրոպայի երկրների վրա: «Պուտինը դիմում է այլ մեթոդների, օրինակ՝ դիվերսիաներ, հրկիզումներ կամ ահաբեկչական հարձակումներ, քանի որ այլ տարբերակներ չունի։ Պուտինը չի ցանկանում ուղղակի հակամարտություն»,- նշել է Գրինկևիչը:
