Թուրքիայի փոխարտգործնախարար Բերիս Էքինջին հայտարարել է, որ Անկարան Հայաստանի հետ հարաբերությունների կարգավորման գործընթաց է վարում երկկողմ մակարդակով։
«Վերջին շրջանում մեր երկրների միջև ակտիվացած բարձր մակարդակի այցերը զգալի ներդրում են ունեցել երկկողմ երկխոսության ամրապնդման գործում: Մենք կոնկրետ քայլեր ենք ձեռնարկել տրանսպորտի, էներգետիկայի և մշակույթի ոլորտներում, ինչպես նաև ուղիղ առևտուրը վերսկսելու ուղղությամբ»,֊ ասել է փոխարտգործնախարարը։
Նրա համոզմամբ` այդ ամենը հիմք է տալիս լավատեսորեն նայելու տարածաշրջանի ապագային։
