Սահմանադրական դատարանում այսօր մի քանի ժամ շարունակ փորձել են նոր նախագահ ընտրել: Առաջադրվել է երկու թեկնածու. Վլադիմիր Վարդանյանն ինքնաառաջադրվել է, իսկ Էդգար Շաթիրյանի թեկնածությունն առաջադրել է ՍԴ դատավոր Դավիթ Խաչատուրյանը:
Երկու թեկնածուներից ոչ ոք առաջին փուլում ընտրվելու համար անհրաժեշտ ձայներ չի հավաքել: Անցկացվել է երկրորդ փուլ, որի ընթացքում ևս բարձր դատարանի նախագահ չի ընտրվել: Առաջիկայում կանցկացվեն դատարանի նախագահի նոր ընտրություններ:
Հիշեցնենք՝ հոկտեմբերի 12-ին լրացել է Սահմանադրական դատարանի նախագահի պաշտոնում Արման Դիլանյանի պաշտոնավարման 6-ամյա ժամկետը։ Դիլանյանը շարունակելու է պաշտոնավարել որպես Սահմանադրական դատարանի դատավոր:
Սահմանադրական դատարանն իր կազմից պետք է ընտրի նոր նախագահ՝ առանց վերընտրվելու իրավունքի։
