Արաբական Միացյալ Էմիրությունների գլխավոր դատախազի գրասենյակը Flydubai-ի չվերթի միջադեպը որակել է ահաբեկչական հարձակման փորձ։
Օրեր առաջ հայտնի էր դարձել, որ Դուբայից Թել Ավիվ թռչող Flydubai ավիաընկերության ուղևորատար ինքնաթիռն առևանգման մասին ազդանշան է փոխանցել, ապա կորցրել կառավարումը: Ի վերջո ինքնաթիռը, որում գտնվել է 180 ուղևոր, վայրէջք է կատարել Սաուդյան Արաբիայում՝ օդանավում որպես ուղևորներ գտնվող 2 այլ օդաչուների շնորհիվ:
Իսրայելական ԶԼՄ-ները նշում էին, որ միջադեպի պատճառ է դարձել երկու օդաչուների միջև ծագած ծեծկռտուքը, նաև օդաչուներից մեկը դանակով հարձակվել է օդանավի հրամանատարի վրա:
ԱՄԷ գլխավոր դատախազի խոսքով՝ հետաքննությունը պարզել է, որ երկրորդ օդաչուն փորձել է ահաբեկչական գործողություն իրականացնել՝ դանակահարել է գործընկերոջը՝ մտադրություն ունենալով ինքնաթիռը կործանել Իսրայելում։
Հայտնի է, որ կասկածյալն օմանցի է, 2024 թվականին նրան հեռացրել էին թռիչքներից արմատական հայացքների պատճառով։ Սակայն ավելի ուշ թույլատրել էին շարունակել աշխատել Oman Air-ում վարչական պաշտոնում։
Այժմ քննիչները պարզում են՝ ինչու են նրան թույլ տվել իրականացնել Flydubai-ի չվերթը որպես 2–րդ օդաչու։
