Ղազախստանի նախագահ Կասիմ-Ժոմարտ Տոկաևն առաջարկել է ստեղծել ղազախա-գերմանական ներդրումային-ֆինանսական հարթակ, որը պետք է միավորի գերմանական և եվրոպական կապիտալը ղազախական համաֆինանսավորման և ռիսկերի բաշխման մեխանիզմների հետ: Այդ մասին Տոկաևը հայտարարել է Գերմանական տնտեսական ընկերակցությունների և ֆինանսական ինստիտուտների ղեկավարների հետ հանդիպմանը:
Գերմանիա կատարած պաշտոնական այցի ժամանակ Տոկաևին ընդունել է Գերմանիայի կանցլեր Ֆրիդրիխ Մերցը: Քննարկումների օրակարգում են էներգետիկայի և բնական պաշարների ոլորտում գերմանա-ղազախական գործընկերության ընդլայնումը, տարածաշրջանային համագործակցությունը և միջազգային անվտանգությունը:
Ավելի վաղ Տոկաևը հանդիպել էր Գերմանիայի նախագահ Ֆրանկ Վալտեր Շտայնմայերի հետ: Ղազախստանի նախագահը նշել է, որ Բեռլինը Եվրոպայում Աստանայի առանցքային ռազմավարական գործընկերն է: Նրա խոսքով՝ երկու երկրների համագործակցությունը հիմնված է փոխադարձ վստահության, հարգանքի և ընդհանուր շահերի վրա:
Շտայնմայերն իր հերթին ընդգծել է Տոկաևի ներդրումը երկկողմ համագործակցության զարգացման գործում: Գերմանիայի նախագահը վստահություն է հայտնել, որ Տակաևի այցը լրացուցիչ խթան կհաղորդի երկկողմ հարաբերություններին:
