ՀՀ կրթության, գիտության, մշակույթի և սպորտի նախարարության աջակցությամբ «Մարզերի մշակութային զարգացման ծրագրի» շրջանակում Երևանի պետական կամերային երգչախումբն ու Dialog Project երաժշտական խումբը ներկայացնում են նոր համերգային ծրագիր՝ «Լսելով Կոմիտաս․ միաձուլելով ժառանգությունն ու նորարարությունը» խորագրով։ Այս մասին տեղեկացնում են ԿԳՄՍՆ-ից:
Համերգները տեղի կունենան սեպտեմբերի 28-ին՝ ժամը 19:00-ին, Մեղրու մշակույթի կենտրոնում, և սեպտեմբերի 29-ին՝ ժամը 19:00-ին, Կապանի արվեստի քոլեջի երգեհոնային դահլիճում։ Համերգային ծրագիրը կներկայացվի նաև Երևանում հոկտեմբերի 5-ին՝ ժամը 19:00-ին, Կոմիտասի անվան կամերային երաժշտության տանը։
Նախագիծը միավորում է երգչախմբային արվեստն ու ժամանակակից երաժշտական մոտեցումները՝ ստեղծելով յուրօրինակ երկխոսություն Կոմիտասի երաժշտական ժառանգության, հայկական ժողովրդական երաժշտության և ջազային արտահայտչամիջոցների միջև։
Ժամանակակից մշակումների հեղինակն է Վահագն Բաբլոյանը։
