Թիմում հիանալի մթնոլորտ է. Եղիշե Մելիքյանը՝ Հայաստան-Լատվիա հանդիպումից առաջ
Սեպտեմբերի 25-ին՝ ժամը 20։00-ին, «Հանրապետական» մարզադաշտում կկայանա Ազգերի լիգայի C2 խմբի Հայաստան-Լատվիա հանդիպումը։
Խաղին ընդառաջ կայացավ Հայաստանի ազգային հավաքականի գլխավոր մարզիչ Եղիշե Մելիքյանի և ավագ Էդուարդ Սպերցյանի մամուլի ասուլիսը:
«Ես կենտրոնացած եմ ոչ թե խնդիրների, այլ դրանց լուծման վրա։ Թիմում հիանալի մթնոլորտ է․ տղաներին տեսնելիս ոգևորություն եմ զգում։ Բոլորս պատրաստ ենք վաղվա խաղին։ Ունենք լավ հավաքական, և ես հպարտ եմ, որ աշխատում եմ այս թիմում», - ասել է Եղիշե Մելիքյանը։
Էդուարդ Սպերցյանն ասել է, որ մեծ պատիվ է խաղալ ազգային հավաքականում։
«Տրամադրությունը բարձր է, տրամադրվածությունը՝ մարտական։ Վաղվա խաղում ամեն ինչ կախված է մեզնից․ եթե լավ կատարենք մեր աշխատանքը, կհաջողենք։ Վաղվա խաղը նոր էջ է Հայաստանի ազգային հավաքականի պատմության համար», - նշել է Էդուարդ Սպերցյանը։
Դիտումներ35
