Էլնուր Մամեդովը ՀՀ-ում ԱՄՆ գործերի ժամանակավոր հավատարմատարի հետ քննարկել է TRIPP-ի իրագործման հետ կապված հարցեր

Ադրբեջանի փոխարտգործնախարար Էլնուր Մամեդովն ընդունել է ՀՀ-ում ԱՄՆ գործերի ժամանակավոր հավատարմատար Դեյվիդ Ալենին։ Հանդիպմանը մասնակցել է նաև Ադրբեջանում ԱՄՆ գործերի ժամանակավոր հավատարմատարը։

Կողմերը քննարկել են Հայաստան-Ադրբեջան հարաբերությունների կարգավորման, խաղաղության գործընթացի առաջմղման, տարածաշրջանում երկարաժամկետ խաղաղության և անվտանգության ապահովման հետ կապված հարցեր։

Անդրադարձ է եղել TRIPP նախագծի իրականացմանը, դրա զարգացման հարցերով ընկերության ստեղծմանը, որը կղեկավարի ենթակառուցվածքների շինարարությունը։