Ռուսաստանի նախագահ Վլադիմիր Պուտինը և ԱՄՆ նախագահ Դոնալդ Թրամփը հեռախոսազրույց են ունեցել, այն տևել է ուղիղ մեկ ժամ՝ հայտնել է ՌԴ նախագահի օգնական Յուրի Ուշակովը:
Նրա խոսքով՝ նախագահները մտքեր են փոխանակել ԱՄՆ նախագահի բանագնացներ Սթիվեն Ուիթքոֆի և Ջարեդ Քուշների՝ Մոսկվա և Կիև կատարած ուղևորությունների արդյունքների վերաբերյալ:
Ուշակովը վստահեցրել է, որ Թրամփը շահագրգռված է, որ ուկրաինական կարգավորման հարցում առաջընթաց գրանցվի իր նախագահության ընթացքում և Պուտինի հետ զրույցում հասկացրել է Ուկրաինայում հակամարտությունն ավարտելու անհրաժեշտության մասին, ինչը հեռանկարներ կբացի Ռուսաստանի և ԱՄՆ-ի հարաբերությունների վերականգնման համար: Պուտինն էլ աջակցել է Ռուսաստանի և ԱՄՆ-ի միջև կառուցողական գործընկերություն կառուցելու Թրամփի տրամադրվածությանը՝ նշել է Ուշակովը, հավելել՝ ՌԴ նախագահը նաև ընդգծել է, որ Ռուսաստանը Եվրոպայի նկատմամբ թշնամական ծրագրեր չունի:
