Ռուսաստանը և Ուկրաինան վերսկսել են հարվածները մասնակի հրադադարից հետո
Ռուսաստան և Ուկրաինա Սպիտակ տան բանագնացների այցի ֆոնին հայտարարված ժամանակավոր մասնակի հրադադարն ավարտվել է, ռուսական ուժերը բալիստիկ հրթիռներով և ԱԹՍ-ներով կրկին հարվածել են Կիևին, հրդեհներ են բռնկվել, կան զոհեր և վիրավորներ: Հարվածներ են հասցվել նաև Օդեսային:
Ռուսաստանի ՊՆ-ն էլ հայտնել է գիշերը ուկրաինական 384 ԱԹՍ խոցելու մասին: Թիրախում է եղել այդ թվում Մոսկվայի շրջանը: Բրյանսկի մարզում մեկ մարդ է զոհվել, հաղորդվում է վիրավորների մասին: Տուժածներ կան Սարատովում:
