Ադրբեջանից Հայաստան կիրականացվի վառելիքի հերթական մատակարարումը
Ադրբեջանից Հայաստան կիրականացվի վառելիքի հերթական մատակարարումը։ Սեպտեմբերի 5-ին Բալաջարի կայարանից Վրաստանի սահման է ուղարկվել 977 տոննա դիզելային վառելիքով բեռնված 16 վագոն։ Վառելիքը Վրաստանով տարանցմամբ կտեղափոխվի Հայաստան։
Ադրբեջանից Հայաստան մինչ այժմ ներմուծվել է շուրջ 16 հազար տոննա դիզելային վառելիք, ինչպես նաև շուրջ 5 հազար տոննա պրեմիում և ռեգուլար տեսակի բենզին։
Բացի դրանից՝ Ռուսաստանից Հայաստան Վրաստանի և Ադրբեջանի տարածքով տարանցմամբ իրականացվելու է ապրանքների հերթական մատակարարումը։ Մասնավորապես, Հայաստան կառաքվի 5 վագոն՝ 355 տոննա ցորենով, 3 վագոն՝ 180 տոննա պարարտանյութով և 2 վագոն՝ 138 տոննա փայտանյութով։
