Պեկինը զսպվածության կոչ է արել՝ Ռուսաստանի օդային տարածքը փակելու՝ Կիևի սպառնալիքներից հետո
Չինաստանը կոչ է արել ուկրաինական հակամարտության կողմերին պահպանել զսպվածություն և աշխատել իրադրության արագ կարգավորման ուղղությամբ, հայտարարել է արտաքին գործերի նախարարության խոսնակ Գո Ցզյակունը՝ մեկնաբանելով Ուկրաինայի կողմից Ռուսաստանի օդային տարածքը փակելու սպառնալիքները։
«Երկխոսությունն ու բանակցություններն ուկրաինական ճգնաժամից դուրս գալու միակ հնարավոր ելքն են։ Չինաստանը կոչ է անում բոլոր կողմերին պահպանել սառնասրտություն և զսպվածություն»,- ասել է դիվանագետը ճեպազրույցի ժամանակ՝ պատասխանելով հարցին, թե արդյոք չինական ավիաընկերությունները կշարունակեն օգտագործել Ռուսաստանի օդային տարածքը։
Սեպտեմբերի 1-ին Ուկրաինայի նախագահ Վոլոդիմիր Զելենսկին հայտարարել է, որ ռուսական երկինքը «փաստացի կփակվի»։ Նա զգուշացրել է, որ այն «կդառնա ոչ անվտանգ՝ անօդաչու թռչող սարքերի հայտնվելու պատճառով»: Զելենսկին նաև նշել է, որ ուկրաինական կողմը համապատասխան տեղեկատվություն կփոխանցի միջազգային կազմակերպություններին:
