Իրանի տնտեսության զարկերակները կտրելով՝ ԱՄՆ-ը չի հասնի իր նպատակներին. Մադանիզադե
Իրանի էկոնոմիկայի նախարարը հայտարարել է, որ կառավարությունը պատրաստ էր Միացյալ Նահանգների կողմից պատժամիջոցների և սահմանափակումների խստացմանը և նախապես ծրագիր է մշակել։
Սեյեդ Ալի Մադանիզադեի խոսքով՝ կաբինետն ունի տնտեսական զարգացման երկամյա ծրագիր, որում հաշվի են առնված հնարավոր բոլոր խնդիրները:
«Իրանի տնտեսության զարկերակները կտրելով՝ Վաշինգտոնը չի հասնի իր նպատակներին»,- շեշտել է պաշտոնյան։
Միևնույն ժամանակ, նա ընդունել է, որ պատերազմն ազդել է արդյունաբերության, մասնավորապես՝ մետաղագործական ոլորտի վրա, սակայն երկրի կարողությունները, ըստ Մադանիզադեի, վերականգնվում են։
