Գերագույն ռադայի պատգամավորները Ուկրաինայի պաշտպանության նախարարի պաշտոնում հաստատել են Եվգենի Խմարային, որը մինչ այդ կատարում էր երկրի անվտանգության ծառայության ղեկավարի պարտականությունները: Վոլոդիմիր Զելենսկին Խմարային հանձնարարել էր կատարել պաշտպանության նախարարի պարտականությունները այն բանից հետո, երբ հուլիսի կեսերին ամբողջ կառավարությունը, ներառյալ ՊՆ ղեկավար Միխայիլ Ֆեոդորովը, հրաժարական տվեց:
Ուկրաինայի նախագահը որոշել էր Ֆեդորովին չվերանշանակել նոր կառավարությունում, ինչը բողոքի զանգվածային ցույցեր է առաջացրել:
Խմարային պաշտպանության նախարարի պաշտոնում նշանակելու օգտին քվեարկել է 312 պատգամավոր, դեմ՝ երկուսը:
Ռադայում ելույթ ունենալով՝ Խմարան իր գերակա խնդիրներից է համարել ռազմաճակատի ամրապնդումը, մարդկային կապիտալի պահպանումը և պաշտպանական արդյունաբերության զարգացումը, հայտնում են ուկրաինական ԶԼՄ-ները:
