Ադրբեջանը միջազգային հետախուզում է հայտարարել երեք ռուսաստանցի քաղաքագետի նկատմամբ

Ադրբեջանական ԶԼՄ-ների համաձայն՝ Ադրբեջանի գլխավոր դատախազությունը քրեական գործ է հարուցել Ռուսաստանի քաղաքացիներ Սեմյոն Ուրալովի, Իվան Կնյազևի և Ալեքսեյ Չադաևի նկատմամբ։

Հաղորդվում է, որ նրանք իրենց եթերներում բազմիցս վիրավորական հայտարարություններ են արել ադրբեջանցիների և Ադրբեջանի ղեկավարության հասցեին, կոչ են արել տապալել Ադրբեջանի սահմանադրական կարգը և խախտել տարածքային ամբողջականությունը: Նրանք նաև ազգային ատելություն, թշնամանքի և ահաբեկչություն են հրահրել:

Երեքի նկատմամբ էլ միջազգային հետախուզում է հայտարարվել։