Անհայտ զինված անձինք Այաթոլլահ Խամենեիի դամբարանի մոտ սպանել են չորս մարդու

Անհայտ զինված անձինք կրակ են բացել Իրանի գերագույն առաջնորդ Ալի Խամենեիի դամբարանի մոտ։ Իրանական լրատվամիջոցների տվյալներով՝ զոհվել է չորս մարդ։

Իրանի գերագույն առաջնորդի հուղարկավորության արարողությունը տեղի է ունեցել նրա ծննդավայր Մաշհադում։ Նա հուղարկավորվել է Իմամ Ռեզայի դամբարանում, որտեղ թաղվել է երկու տարի առաջ ավիավթարի հետևանքով զոհված նախագահ Էբրահիմ Ռաիսին։

Խամենեիին հարգանքի տուրք մատուցելու եկած սգացողների աննախադեպ հոսքի պատճառով կազմակերպիչները ստիպված են եղել շտապ փոխել նախատեսված երթուղին։ Ավտոշարասյունը չի կարողացել հաղթահարել դամբարանի մոտ սգացողների «պատը», ուստի գերագույն առաջնորդի աճյունը թաղման վայր է տեղափոխվել ուղղաթիռով։