Իսրայելը մշակել է րոպեում 30 անօդաչու թռչող սարք խոցող նոր լազերային համակարգ
«Հըզբոլլահի» անօդաչու թռչող սարքերի աճող սպառնալիքի պայմաններում Իսրայելը մշակել է ևս մեկ խոստումնալից հակաօդային համակարգ: Globes-ի տվյալներով՝ Esh-Tech Systems-ը մշակել է Dronelight լազերային համակարգը, որն արդեն փորձարկվում է Իսրայելում և արտերկրում:
Այն կարող է րոպեում խոցել ավելի քան 30 ԱԹՍ, ինչը հարմար է անօդաչու թռչող սարքերի խմբերին հակազդելու համար:
DroneLight լազերային համակարգի հեռահարությունը 1 կիլոմետր է, այն սպառում է համեմատաբար քիչ էներգիա՝ մոտավորապես 4 կՎտ:
