Ռուսաստանը պատրաստ է ամեն կերպ նպաստել ԵԱՏՄ-ի հետ Ադրբեջանի մերձեցմանը. Գալուզին

Ռուսաստանը պատրաստ է ամեն կերպ նպաստել Եվրասիական տնտեսական միության հետ Ադրբեջանի մերձեցմանը, ինչը կամրապնդեր տնտեսական կապերն ընդհանուր տարածքում՝ հայտարարել է ՌԴ փոխարտգործնախարար Միխայիլ Գալուզինը՝ Պետերբուրգի միջազգային տնտեսական համաժողովի շրջանակում:

Նրա գնահատմամբ՝ դա դրական կանդրադառնա հանրապետության տնտեսության վրա ապրանքների ընդհանուր շուկա մուտք գործելու և տրանսպորտի, ծառայությունների և ներդրումների ոլորտում համագործակցության ընդլայնման հաշվին։

ՌԴ փոխարտգործնախարարը նաև նշել է, որ Ադրբեջանը կարող է դառնալ եվրասիական մեծ տարածքի առանցքային տրանսպորտային-լոգիստիկ հանգույցներից մեկը: