Ստոկհոլմ կատարած աշխատանքային այցի շրջանակում ԱԳ նախարար Զոհրաբ Մնացականյանը հանդիպել է Շվեդիայի միջազգային համագործակցության զարգացման գործակալության (SIDA) գլխավոր տնօրեն Կարին Ջամթինի հետ, որի հետ ստորագրել է SIDA-ի կողմից ներկայացված Շվեդիայի և ՀՀ-ի միջև համագործակցության զարգացման վերաբերյալ համաձայնագիրը:
Երկուստեք համոզմունք է հայտնվել, որ համաձայնագրի ստորագրումն անկասկած նոր էջ կբացի հայ-շվեդական փոխհարաբերություններում և կնպաստի Հայաստանում ժողովրդավարական ինստիտուտների ամրապնդմանը, ինչպես նաև համագործակցությանը բազմաթիվ այլ ոլորտներում:
