Ստամբուլում անցկացվող «Միջնորդական 6-րդ համաժողովի» բացման արարողության ժամանակ Թուրքիայի արտգործնախարար Մևլութ Չավուշօղլուն անդրադարձել է Լեռնային Ղարաբաղի հակամարտությանը։ «Խնդրի կարգավորման համար այս տարի ավելի շատ ջանք ենք գործադրելու»,- ասել է Չավուշօղլուն:
Չավուշօղլուի խոսքով՝ Թուրքիան կողմ է, որ «Լեռնային Ղարաբաղի և Ադրբեջանի գրավյալ տարածքների խնդիրը» լուծվի դիվանագիտական ճանապարհով և ՄԱԿ-ի Անվտանգության խորհրդի ու Եվրոպայի խորհրդի ընդունած որոշումների շրջանակներում:
Ավելի վաղ Թուրքիայի նախագահ Ռեջեփ Թայիփ Էրդողանը Բաքվում հայտարարել էր, որ առանց ղարաբաղյան հակամարտության կարգավորման ՀՀ հետ հարաբերությունների բարելավում հնարավոր չէ: Նա նաև ասել էր, որ Հայաստանը չի կարող ակնկալել Թուրքիայի հետ սահմանի բացում, քանի դեռ լուծված չէ Ղարաբաղի հարցը:
