Կրեմլի հաղորդագրության համաձայն՝ Վլադիմիր Պուտինը հեռախոսազրույց է ունեցել Ադրբեջանի նախագահ Իլհամ Ալիևի հետ։
Երկրների ղեկավարները քննարկել են օրակարգի արդիական հարցերը՝ շարունակելով Դուշանբեում կայացած հանդիպման թեման: Պուտինն ու Ալիևը հաստատել են առևտրատնտեսական կապերի հետագա զարգացման, էներգետիկայի և տրանսպորտային-լոգիստիկ ոլորտում համատեղ նախագծերի իրականացման փոխադարձ հանձնառությունը:
Զրույցի ընթացքում պետությունների ղեկավարներն անդրադարձել են նաև տարածաշրջանային համագործակցության և միջազգային իրավիճակի որոշ ասպեկտների:
Կողմերը պայմանավորվել են շարունակել շփումները տարբեր մակարդակներում։
