Դեպի ԵՄ ԱԹՍ-ներն արձակվել են ՌԴ ստվերային նավատորմից. Զելենսկի

Ուկրաինայի արտաքին հետախուզության ծառայությունը հաստատել է այն պնդումները, որ Ռուսաստանի «ստվերային նավատորմի» լցանավերը ներգրավված են եղել վերջին օրերին եվրոպական երկրիների ուղղությամբ անօդաչու թռչող սարքերի թռիչքների հետ կապված սադրանքներում: Այդ մասին հայտարարել է Ուկրաինայի նախագահ Վոլոդիմիր Զելենսկին:

«Նավերը, որոնք Մոսկվան օգտագործում է նավթ արտահանելու համար՝ շրջանցելով պատժամիջոցները, օգտագործվում են «դիվերսիաների և Եվրոպան անկայունացնելու տարբեր փորձերի համար»,- ասել է նա և դաշնակիցներին կոչ արել ավելի զգոն ու վճռական լինել։

Մի քանի օր առաջ էլ Ուկրաինայի արտաքին գործերի նախարարի առաջին տեղակալ Սերգեյ Կիսլիցան The Guardian-ի հետ հարցազրույցում հայտարարել էր, որ այդ գործողությունում ներգրավված են եղել ԵՄ երկրներում գործող ռուս «գործակալներն ու լրտեսները»։

Միջազգային լրահոսը՝ տեսաշարում։